Babylon

Babylon ★★★★

اكتر حاجه انطبقت على الفيلم واتأكدت لم شوفته
جريده كبيره في هوليوود قالت إن ده مكافئه كبيره لكل محبين السينما في لمده تلاث ساعات بس
لو هتكلم عن أول ساعتين بالفيلم داميان قدم رساله حب لمحبي السينما، وصانعي السينما
رحله فوضي في عصر بدايه صناعه الأفلام الصامته في هوليوود تعريه كامله للمجتمع ده في الفتره دي لحد بدايه الأفلام الناطقه
فوضي،حفلات عربده، غوص في صنع الأفلام في الوقت ده وكواليسها
فكرني شويه بفيلم the wolf of Wall Street
الفيلم عمل اللي عليه وزياده من ناحيه كل حاجه فنيه وتقنيه والإنتاج البصري الساحر مع الديكورات واللبس مع موسيقى جاز مناسبه للحقبه دي اوي كانت مخليني طول الفيلم في المود وعمري ما فصلت ابدا بسبب الموسيقى عنصر قوي اوي في الفيلم
مارجو روبي ملهاش مثيل فعلا ما كنتش عارف اشيل عيني من عليها خالص 😅
وكنت بعيد مشاهدها كتير اوي ملامح وشها حركاتها، جذابه اوي بنت الذين في ممثلين كتير اوي احلي منها بكتير بس بردين ودمهم تقيل على القلب مارجو عكس ده خالص
براد بيت مش محتاج كلام عليه كنت مفكر دوره صغير ولكن طلع مؤثر اوي وشخصيته بنائها الدرامي هي المفضل ليا في الفيلم من الاول للآخر
🎯 نقذ نفسه في آخر ساعه وعمل قفله ونهايه ولااروع الفيلم الاخير بتاع السينما والجزء الوثائقي الصغير ده انا هقصه واحتفظ بيه دايما عشان افكر نفسي انا ليه مجنون بسحر السينما
🎯 حبيت برده اوي المشهد الافتتاحي من احلي المشاهد الافتتاحيه والختاميه اللي شوفتها لفيلم من فتره
🎯 انا بحسد صناع الافلام جامد اوي وحدتهم اكتر اخص بالذكر ستيفن سبلبيرج وداميان في الفيلم ده sorry guys

Block or Report

Osama liked these reviews

All