بعض جمهور السينما للأسف مش معترف بجودة أو كفائة الأعمال الحديثة "كل ما هو قديم جميل" وكأن جميع الأفلام الحديثة تافة أو غير مهمة أو قد تعد أفلام أسطورية.
ولكن الحقيقة غير كدة نهائيا، في ال15 سنة الأخيرة بس ظهر عدد كبير جدا من الأفلام أصبحت تعد ك كلاسيكيات للسينما وتعريف ليها لأي شخص جديد يدخل هذا العالم
The Dark Knight, Inception, Mad Max و La La Land.
الأفلام دي ك مثال قيمتها بتزيد مع مرور الوقت وإنها أصبحت جزء مهم من تاريخ السينما.

بس عارفين إيه إللي خلى الأفلام دي تعد ك كلاسيكيات في السينما رغم تشابهها مع بعض الأفلام الأخرى؟
الموضوع ببساطة إن صناعها كانوا بيبحثوا عن شيء واحد بس وهما بيقوموا بإنتاجها، وهو إني إزاي أعمل فيلم ممتع للجمهور، فيلم أحكي بيه الحدوته بالطريقة إللي أنا عايز أحكيه بيها مش بالطريقة إللي اللجان أو المنظمات وضغوطات العالم الأول عايزني أحكي بيها، أو بحثا عن تقدير في مهرجانات سينمائية أو جوائز نقدية، وكلهم حالفهم الحظ وتوفقوا في حكي الحدوته بطريقتهم، وبعد دة كل شيء أخر جري وراهم وأخدوا كل التقدير النقدي والجماهيري وحفروا إسمهم في تاريخ السينما.

فيلم Everything Everywhere All at Once واحد من الأفلام دي!

والحقيقة هي أن كل شيء في كل مكان مجتمعين يتحدث عن الإنسان منذ بداية الخلق وحتى فناء العالم وعن إحتياجه لجميع المشاعر الإنسانية وأهمها الحب، ويبغض الحرب، وأن الأولى أن نحارب شرور أنفسنا على أن نحارب بعضنا البعض!