Babylon

Babylon ★★★★★

- If you could go anywhere in the whole world, where would you go?

-- idk. I always wanted to go on a movie set.

دا كان بداية المشهد الي خطفني في الفيلم وعرفني بشكل ما أنا داخل على إيه بالظبط. ودا مش "ريفيو" دا إنطباعي عن فيلم من أهم افلام السنة وتجربة معشتش زيها بقالي كتير.

نسأل السؤال المهم بالنسبة لي؛ هو الفيلم عايز يتكلم عن إيه؟ هل عن صناعة الأفلام بشكل عام؟ ولا مصير الممثليين الكبار منهم والصغيرين والي اتمثلوا هنا في جاك كونراد و نيلي لاروي ولا ثورة إدخال الصوت على الأفلام الصامتة؟ ولا موسيقى الجاز الي مخرجنا هنا في علاقة حب معاها ولا حتى المُحب للسينما إلي كان عايز بس يكون في موقع تصوير يشوف السينما في المطبخ والي اتجسد هنا في شخصية ماني.

الفيلم بيبدأ بإدخال الشخصيات كُلِ في موضعه؛ بدأ بنيلي لاروي وهي في بداية طريقها بس كانت عارفه إيه الي قادرة على فعلة بالتحديد في البداية وهي حتى مبدأتش ودا كان واضح لما قالت لماني في لقائهم الأول:

Honey, you don't become a star. You either are one or you ain't. I am.

بس بعدها ب ٥ ثواني بس كنا عرفنا نهايتها هتبقى إزاي؛ وبرضو وبرغم سعيها للتغيير ومساعدة ماني ليها فشلت في التغيير.

ماني الحالم هنا في قصة داميان كعادتة وبشوفة للأسف الطرف الأقل تماسكاً في قصتنا رغم اداءة الممتاز، بدأ كملازم لكونراد النجم الكبير وقتها وصاحب أكبر دخل وكان بيستخدمه كونراد وقتها لاكتشاف ثورة إدخال الصوت على الأفلام الصامته كبداية ليه مهمه في إنه بس يبقى on a movie set بس، بعدها بيكون مدير صوت في استديو كينوسكوب وبتبدأ نهايتة من هنا في فشلة في التعديل من سلوك لاروي.

الشخصية الأهم بالنسبة لي هنا والي وبشكل ما بتشبة قصة بيلا لاجوسي في فيلم Ed Wood
وكعادة أي ممثل مبيبدأش كبير فكأن إكتشافة عن طريق جورج إلي أكتشفه والي مع انتحاره ودخول الصوت عالم السينما وفشل كونراد فيه كانت بداية نهايتة ودا بدأ مع مشهد من أجمل مشاهد الفيلم إلا لم يكن أجملهم وأحزنهم على الإطلاق؛ مشهد كونراد والينور وتعجب كونراد من ذكر الينور ليه لما كتبت إن هل دي نهاية كونراد؟ بس بتيجي الينور وبتواجهه بحقيقة إن سبب غضبة هو مشهد المتفرجين وهم بيضحكوا على المشهد الأخير في اخر فيلم وبتبدأ الينور في توجيه ليه الضربة الأخيرة لو صح التعبير بقولها:

It wasn't your voice, it wasn't your conspiracy, and it certainly wasn't anything I wrote.

There's nothing you could have done differently. There's nothing you can do. Your time has run out. There's no why. Stop questioning it.

داميان في المشهد دا كان مع كونراد وبيقولك بالكاميرا قد إيه دا مشهد صعب؛ وإنه وبرغم استغراب كونراد نفسة من عدد الأفلام الي قام بيها وبعدها مع وقوفة وتأمله لأخر موقع تصوير لفيلم بيصورة وكأنه بيشوفه لأول مره وفي النهاية مصيرة كان نفس مصير جورج مكتشفة.

وبالتالي موت لاروي وذكرها على الهامش في جريدة وكأنها ماضي غير جدير بالذكر وماني إلي قدر يحقق حلمه ولو لبعض الوقت وحتى عازف الجاز الي مكانش مسلط عليه الضوء حتى في رؤيتي.

تخيل كدا لو انت وصلت هنا في قرائتك لإنطباعي وربطي للأحداث الفيلم ونركز على بعض السلبيات لأنك لو سألتني هقولك بالتأكيد ممكن ميبقاش تجربة كامله او محببه ليك ولكن وبالتأكيد الفيلم دا من أحسن الأفلام والتجارب الي شوفتها اخر ٥ سنين
ونقدر ننهي الكلام بمقولة دانيال شازيل:

A "Poison pen a hate letter to Hollywood, but a love letter to Cinema"

Block or Report

Mohamed liked these reviews