Babylon

Babylon ★★★★★

“Honey, you don't become a star. You either are one, or you ain't. I am.”

من اكتر الرحلات المجنونه والفوضوية والممتعه الي مريت بيها من فتره كبيره ومش قادر استوعب ازاي فيلم كنت متخوف جدا اشوفه بسبب الهجوم عليه يبقى من اكتر الافلام الي حبيتها في السنه

الفيلم بيتكلم عن هوليود في مرحلة الخروج من السينما الصامته والدخول في عصر الصوت الثوري الي غير كل شئ ، طبعا المرحلة دي تم تناولها كتير قبل كده والحقيقه كل مره بشوفها بتعجبني سوا كانت في شكل غنائي او صامت او اي طريقه 

سيناريو الفيلم كان بيعرض المرحله من خلال ٣ خطوط بشكل تقريبا متوازي وبتتقاطع احيانا وسط الاحداث ، والحقيقه داميان شازيل باع نفسه بالفيلم ده لإنه عمل فيلم مستحيل يتحب من كل الناس وده شئ منطقي جدا

الفيلم حاول ينقل عصر مظلم داخل اروقة وكواليس صناعة الافلام في هوليود بكل اشكاله من عري وقرف وتجاوزات في كل شئ والفيلم نقل كل ده بأكتر طرق غير مريحه للمشاهد والحقيقه هو نجح في كده بالنسبالي لكن في نفس الوقت متفهم جدا انه مش هينجح مع الكل وده زي ما قولت منطقي اكيد 

كاستينج الممثلين اكتر من ممتاز ، مارجو روبي بجنونها وحيويتها وتمثيلها الجميل ، براد بيت في دور مش عايز ابالغ واقول من افضل ادواره من سنوات كتيره جدا (على الرغم اني حبيته في حاجات كتير مؤخرا) لكن الدور ده بقى الاقرب ليا وحزين جدا على عدم الاهتمام بيه في موسم الجوايز ، دييجو كالفا اول مره اشوفه يمكن اكمل اعظم حاجه لكن اعتقد عنده حاجات كويسه

الادوار المساعده او بمعنى اصح ضيوف الشرف كان ليهم عامل مهم جدا في الفيلم بسبب طول مدته الكبير ف هتحس انك بتشوف ستكتشات كتيره ورا بعضها (طبعا الكلمه مش لايقه لكن للتوضيح) وبالتالي كل سكتش فيهم كان فيه ممثل او ممثله مش بيظهر غير فيه وبيعمل مشاهد مميزه جدا ويخليك مستني المشهد الي بعده ، زي سامارا ويفينج كانت مسخره وتوبي ماجواير كان مجنون وعمل واحد من اكتر المشاهد المقرفه في السنه كلها والتالته بقى كانت اوليفيا هاملتون (زوجة داميان شازيل في الحقيقه) عملت اكتر مشهد ضحكت فيه في الفيلم ويمكن من اعظم مشاهد الفيلم بشكل عام

طبعا الجانب التقني في الفيلم كان خيالي سواء المونتاج او حركة الكاميرا المجنونه والمؤثرات الصوتيه واختيار الاغاني مع الموسيقى العبقريه المعتاده من جاستين ، ويمكن الكومبو ده كله لما يكون بالجنان ده بيكون سهل جدا انه يقلب بإزعاج (زي ما حصل في فيلم كده السنادي مش عقول اسمه) لكن ده بيقلب بحاجه ماستربيس لما يكون معاك مخرج زي داميان شازيل

Block or Report

mohamed liked these reviews

All