Letterboxd — Your life in film

إذا كان فيه شي أحسنوا فيه فهو كيف طلعوا حقبة التسعينات بشكل جيد مع أن المشاهد الداخلية أكثر بكثير من الخارجية، أما كقصة فبرضو كانت تشبه أفلام التسعينات (التجارية) أو حلقة خاصة من مسلسل ستار تريك

بالنسبة لبقية أفلام المرحلة الأولى من عالم مارڤل السينمائي، هذا فيه حركة وأكشن أكثر، وفيه مشاهد قتالات متعوب عليها أكثر، والمؤثرات البصرية بطبيعة الحال أفضل بعد النجاحات السابقة، وأكيد صار فيه ضخ ميزانية أكثر من سابقيه مع اني ما بحثت حتى عشان اقارن

بالنسبة للقصة :شخصية كابتن أميركا مثالية زيادة عن اللزوم بشكل سطحي مرة، والڤيلين ريد سكل جيد بس مدري وش يبغى! وخلص الفيلم وانا مدري وش نيته اصلًا ووش يبي! (ممكن ما عرفت لأني ما ركزت مضبوط) والصراحة ما كان لي خلق أركز أكثر من اللازم

برنامج (سلامتك) بس ياباني وعن الفساد واضراره ودور الصحافة الشريفة والمجتمع في مواجهة هالشي، تحس انه من انتاجات القناة الأولى عام 1999 التوعيوية اللي عن الرشوة والفساد الاداري الخ

بدا بداية جيدة ولكن سرعان ما تخبص وضاع،والصراحة ما كنت حاط ببالي اصلًا انه بيكون فيلم جيد ولكن حبيت اشوف ميل غيبسون و تشارلي هانام مع بعض واشوف وش ممكن كان بيطلع من الفيلم! بالاضافة ان التريلر جذبني شويتين

الشخصية اللي سواها تشارلي هانام كانت جيدة واعتقد لو القصة افضل من كذا والكتابة افضل فكان بيكون الفيلم احسن مما هو عليه

خذ الجزء الأول والثاني من اللعبة وشوي من اجزاء ثانية الى جزء كود فيرونيكا واضربهم بالخلاط ثم ضف عليهم رشة تمثيل عرقي وقوة النساء والابيض الحقير وبهرها بأجواء الـ بي موفيز .. وعليك بالعافية

الفكرة جيدة ولكن التنفيذ من أسوأ ما يكون ومافيه اي شي مميز لا على المستوى البصري ولا السيناريو،اما التمثيل فكأنك تشوف مسلسل سوب اوبرا درجة ثانية من الثمانينات 

التويست كان افضل شي حصل بالفيلم وطوال الوقت انتظر هالتويست اللي نايت شيامالان مشهور فيهم ، وأقصد بأنه أفضل شي حصل موب لروعته ولكن على الأقل لملم هالفيلم لو شوي وشفع له

أفلام فاندام وستيفن سيغال انتاج ٢٠٢١ 

حبيت الدبلجة السورية من نيتفليكس الشرق الأوسط عشان يقدر الواحد يقلّب بالجوال ويتابع بالسمع لأن ما يحتاج تركيز واجد + فيه تويست يضحك يا جماعة

فكرة فريدة ورهيبة جدًا ولكن تنفيذها كان يحتاج أكثر من كذا بكثير سواء من ناحية الميزانية او على مستوى الكتابة.عيوب الفيلم مبررة اذا حطينا الميزانية في عين الاعتبار إلّا مشهد ما قدرت أتغاضى عنه لأن بعض المثلين الثانويين كانوا يطالعون في الكاميرا بوقت مفروض ما يطالعون فيها وعادي حطوه بالفيلم بدون لا يعيدونه ولا شي.طبعًا انا شفت الفيلم عشان ميل غيبسون وللامانة قدم اداء اكبر من الفيلم بكثير في اكثر من مشهد مع ان بعضها سخيفة جدًا زي مشهد كان يلقي فيه خطاب على مجموعة وكان يمثل من قلب بعيونه ويعطي مشاعر مع ان الفيلم ما يستحق ذا كله٠

جيم كيري مُضحك بشخصية الشرير السخيفة .. باقي الفيلم اي كلام٠