AMR HASSAN’s review published on Letterboxd:
I just want to be part of something bigger, something important, something that lasts, something that means something
I am Nellie LaRoy bitches
What happens on that screen means something
عمر ما حماسي للفيلم دة قل حتى بعد ما تقييماته طلعت و كانت زي الزفت و بعد ما تم تجاهله من كل الجوائز بما فيهم الأوسكار مع ان هي ديه نوعية الأفلام الللي الأوسكار بتحبها. اصل انا كنت بروح اشوف اعلانات الفيلم لما بزهق اللي كانت لوحدها من أغلب افلام السنة ف متجيش تقولي ان بعد كل دة هيطلع مقلب
دامين شازيل( أفضل مخرج في الساحة دلوقتي مع دينيس فيلينوف) قدملنا واحدة من أجمل الأفلام في تاريخ السينما بالنسبة لي و متأكد انه هيبقى كلاسيك و كل الناس هيفتكروه بعد ٥٠ سنه و مظنش انه ممكن
يتنسي، فيلم مفيهوش غلطة. أجمل و اسرع و اجنن ٣ ساعات الواحد قضاها في حياته.
الفيلم فيه أفضل اداءات تمثيلية السنادي من كل الكاست سواء الابطال او حتى ضيوف الشرف. اداء مارجو روبي هو أفضل اداء في مسيرتها و أفضل اداء في السنة بعد كيت بلانشيت دياجو كالفا برضو قدم اداء اسطوري و تمثيله في آخر ساعة كان عظييم. اداء براد بيت حلو جداا ممكن ميكونش افضل اداء ليه بس الشخصية نفسها كانت خرافية و الارك بتاعها هو من أفضل حاجات في الفيلم و فكرني بأفلام زي بيردمان و سانسيت بوليفارد. الفيلم فيه ضيوف شرف كتييير زي سمارا ويفينج و اوليفيا هاميلتون اللي حبيت مشاهدها جدااا و ضحكتنييي كتييير بس اكيد افضل ضيف شرف هو توبي مجواير، مشهده كان اسطوري و ضحكني كتييير و بجد نفسي نشوفه في أفلام اكتر قدام
العوامل التقنية في الفيلم كانت قوية جدااا كعادة افلام دامين شازيل سينماتوجرافي جميلة و editing خرافي و هو الأفضل في السنة، تصميم ملابس و سيت ديكوريشين جمييل جدااا، تصميم الرقصات و الحفلات كان قوي.
الموسيقى التصويرية هي أفضل موسيقى تصويرية سمعتها في حياتي بعد موسيقى انترستيللير. انا من النهاردة لغاية ما اموت كل ما هفكر في حاجة اسمها سينما و اقعد استرجع مشاهد من أفلام بحبها متأكد ان الموسيقى ديه اول حاجة هتيجي في بالي، جسمي بيقشعر لما بسمعها مع ان ديه اول مرة اشوف الفيلم و قراراستخدامها في المشهد الاخير كان اكتر اختيار موفق الواحد ممكن ياخدوا في حياته.
Babylon soundtrack
سيناريو الفيلم جميل جداا، أجمل رسالة حب اتعملت في التاريخ للسينما. الفترة اللي بتدور أحداث الفيلم فيها هي أهم فترة في تاريخ هوليوود و كان لازم يتعمل فيلم عظيم يتكلم عنها يليق بعظمتها . الفيلم ة فيه نقض قوي للنقاد و المنتجين و ممكن دة يكون سبب من اسباب فشل تقييماته.
لو حد هيسألني ايه هي أفضل مشاهد السنة ف الفيلم دة هو أول حاجة هتيجي في بالي، مشهد النهاية هو أفضل مشهد نهاية شفته في حياتي خلاني ادمع و اضحك في نفس الوقت، مشهد الحفلة هو من أفضل المشاهد تصويريا و انتاجيا السنادي و المشهد اللي بعديه بالظبط لما كانوا بيصوروا مشهدين في نفس الوقت و دياجو كالفا راح يجيب كاميرا كان أفضل مشهد في الفيلم و الاديتينج اللي فيه كان جداا قوي كمان المشهد الصامت اللي كانت بتحاول تصوروا مارجو روبي اللي قتلني من الضحك او مشهد توبي مجواير و غيرهم كتيير و مستحيل اخلص لو قعدت احكي عن كل مشاهد الفليم الحلوة
مش اي حد يعمل فيلم زي دة لازم يكون حد خبره بقالوا فترة في المجال و عندوا الجرأة انه يعمل واحد من اجنن افلام هوليوود و اكترهم عشوائية و واضح ان الأفلام العشوائية هي نوعيتي المفضلة من الأفلام. أجمل ٣ ساعات الواحد قضاهم السنادي مع اني كنت عايز انه يطول عن ال ٣ ساعات و يدخل في ال ٥ ساعات مثلااا
I’m not asking you to f*ck him, just make him feel special.
