Black Widow

Black Widow ★★★

دايماً كان عندي أزمة مع الأفلام المقتبسة عن الكوميكس في نقطة أساسية وهي إختيار القصة الغير مناسبة او الأقل إثارة لطرحها علي الشاشة .. بس هنا الوضع مختلف شوية .. أنت مش بس أخترت القصة غير المناسبة لا أنت كمان أخترت طريقة السرد والكتابة الأسوأ لمعالجتها فطلع قدام المشاهد حاجة كدة باهتة وعديمة الأهمية وسطحية لأبعد حد المفروض انها تجذبه ويتحمس لها

خلينا ناخد نقطة السطحية كبداية كلام .. ايه اللي يخليني مهتم بقصة الفيلم كلها حتي من قبل ما اشوف أحداثه؟ .. حادثة بودابست والكلام الإشارات المتكررة ليها إلي جانب جذور واحدة من أهم شخصيات السلسلة وهي ناتاشا .. فيقوم الصانع عامل ايه.. يختصر جذور ناتاشا في اول ١٠ دقايق من الفيلم وحادثة بودابست في كلمتين ومشهد مقتضب في وسط الاحداث .. طبعاً مفيش شك أن الكورونا كان ليها دور سلبي في صناعة الفيلم بس برضو .. في عيوب سببها النص نفسه زي إختصار الاحداث المهمة والحط غير المقبول وغير المبرر في المشاهد والأحداث الغير مفيدة درامياً

إستكمالاً للطلسقة والسطحية فالفيلم اهدر وقته في كل شئ الا بناء الشخصيات وبروزتها وجذب إنتباه المشاهد ليها .. انا طلعت من الفيلم لا مهتم بالأحداث بتاعته ولا معتم بشخصياته ولا مهتم بأي حاجة تتبني عليه .. ليه أهتم بشخصية يلينا وانا مش لاقي فيها شئ يخليني مهتم بيها ولا حتي بدورها .. المفروض ان الفيلم ده كله معمول عشان يمهد لدوره الضخم في الأعمال الجاية .. بس بصراحة بداية بشعة وغير موفقة لأن الشخصية اتقدم بشكل مسطح لي انها بلاك ويدو بس علي صغير من غير اي عمق ولا إظهار لقدراتها ولا حتي لملامح شخصيتها وإبراز إختلافها عن أختها

شخصية زي الريد جاردين كنت مستني منه كتير بس ما لاقيتش حاجة من اللي كنت مستنيها

فوق كدة الطفح النسوي السمج اللي مالي الفيلم بتاع إستعباد المرأة وان البطلة بتحرر عشان يمتلكوا إرادتهم وإظهار كل الشخصيات الرجالية في الفيلم بشكل هزلي وضعيف وبشع.. بجد شئ لا يوصف

اهو فيلم وعدي